9. ອຸບັດຕິເຫດ ແລະ ການປ້ອງກັນ

Welcome to your 9. ອຸບັດຕິເຫດ ແລະ ການປ້ອງກັນ

ອຸບປະຕິເຫດຕາມທາງຫຼວງ ມີຄວາມໝາຍແນວໃດ?

ກ. ອຸບປະຕິເຫດຕາມທາງຫຼວງໝາຍເຖິງ ເຫດການທີ່ເກີດຂຶ້ນກັບຍານພາຫະນະທີ່ຈະລາຈອນຕາມທາງຫຼວງ ດ້ວຍການ ກະທົບກັບ ຍານພາຫະນະ, ຄົນ, ສັດ, ວັດຖຸສິ່ງຂອງ, ສິ່ງປຸກສ້າງ ຕາມແຄມທາງ ຊຶ່ງພາໃຫ້ມີຜູ້ບາດເຈັບ, ເສຍຊີວິດ ຫຼື ຊັບສິນໄດ້ຮັບຄວາມເສຍຫາຍ

ຂ.ອຸບປະຕິເຫດຕາມທາງຫຼວງໝາຍເຖິງ ເຫດການທີ່ເກີດຂຶ້ນກັບຍານພາຫະນະທີ່ຈະລາຈອນຕາມທາງຫຼວງ ດ້ວຍການກະທົບກັບ ຍານພາຫະນະ, ຄົນ, ສັດ, ວັດຖຸສິ່ງຂອງ, ສິ່ງປຸກສ້າງ ທີ່ພາໃຫ້ມີຜູ້ບາດເຈັບ ແລະ ເສຍຊີວິດ

ຄ. ອຸບປະຕິເຫດຕາມທາງຫຼວງໝາຍເຖິງ ເຫດການທີ່ເກີດຂຶ້ນລະຫວ່າງຍານພາຫະນະສອງ ຫຼື ຫຼາຍຄັນຕໍາກັນ ຊຶ່ງເຮັດໃຫ້ມີຜູ້ບາດເຈັບ ແລະ ເສຍຊີວິດ

ສາເຫດທີ່ພາໃຫ້ເກີດອຸບປະຕິເຫດຕາມທາງຫຼວງ ມີຫຍັງແດ່?

ກ. ສາເຫດທີ່ພາເກີດອຸບປະຕິເຫດຕາມທາງຫຼວງມາຈາກ ຄົນ, ສັດ, ທາງຫຼວງ, ຍານພາຫະນະ, ພຶດຕິກໍາຂອງຜູ້ຂັບຂີ່ ແລະ ສະພາບດິນຟ້າອາກາດ

ຂ. ສາເຫດທີ່ພາເກີດອຸບປະຕິເຫດຕາມທາງຫຼວງມາຈາກ ພຶດຕິກໍາຂອງຄົນ ແລະ ສັດ, ສະພາບເຕັກນິກຂອງຍານພາຫະນະ ແລະ ສະພາບຂອງທາງຫຼວງ

ຄ. ສາເຫດທີ່ພາເກີດອຸບປະຕິເຫດຕາມທາງຫຼວງມາຈາກ ພຶດຕິກໍາຂອງຜູ້ຂັບຂີ່, ສະພາບເຕັກນິກຂອງຍານພາຫະນະ ແລະ ສະພາບຂອງທາງຫຼວງ, ການກະທໍາຂອງສັດ ແລະ ສະພາບດິນຟ້າອາກາດ

ການປ້ອງກັນ ຫຼື ການແກ້ໄຂ ບັນຫາອຸບປະຕິເຫດຕາມທາງຫຼວງ ແມ່ນໜ້າທີ່ຂອງໃຜ?

ກ. ທຸກຄົນໃນສັງຄົມມີໜ້າທີ່ ໃນການປ້ອງກັນ ແລະ ແກ້ໄຂບັນຫາອຸບປະຕິເຫດ ໂດຍເລີ່ມຈາກ ບຸກຄົນ, ຄອບຄົວ, ການຈັດຕັ້ງທາງພາກລັດ ແລະ ເອກະຊົນ ຢ່າງຕັ້ງໜ້າ

ຂ. ທຸກຄົນໃນສັງຄົມມີໜ້າທີ່ ໃນການປ້ອງກັນ ແລະ ແກ້ໄຂບັນຫາອຸບປະຕິເຫດ ໂດຍເລີ່ມຈາກ ບຸກຄົນ, ຄອບຄົວ, ສະມາຄົມ ແລະ ສັງຄົມ ຢ່າງຕັ້ງໜ້າ

ຄ. ເຈົ້າໜ້າທີ່ຕໍາຫຼວດ, ເຈົ້າໜ້າທີ່ໂຍທາທິການ ແລະ ຂົນສົ່ງ, ຕ້ອງຮ່ວມກັນປ້ອງກັນ ແລະ ແກ້ໄຂບັນຫາອຸບປະຕິເຫດຕາມທາງຫຼວງ ຢ່າງເປັນປະຈໍາ

ສາເຫດທີ່ພາໃຫ້ເກີດອຸບປະຕິເຫດ ຍ້ອນຜູ້ນໍາໃຊ້ທາງຫຼວງ ມີຫຍັງແດ່?

ກ. ຄົນສ້ອມແປງທາງ, ຄົນຍ່າງຂ້າມທາງ, ສັດລ້ຽງ, ຜູ້ຄວບຄຸມສັດ

ຂ. ຄົນຂີ່ລົດຖີບ, ຄົນສ້ອມແປງທາງ, ຄົນຍ່າງ, ສັດລ້ຽງ ແລະ ຜູ້ຄວບຄຸມສັດ

ຄ. ຜູ້ຂັບຂີ່, ຄົນສ້ອມແປງທາງ, ຄົນຍ່າງ, ສັດລ້ຽງ, ຜູ້ຄວບຄຸມສັດ ແລະ ອື່ນໆ

ສາເຫດທີ່ພາໃຫ້ເກີດອຸບປະຕິເຫດ ຍ້ອນຜູ້ຂັບຂີ່ ມີຫຍັງແດ່?

ກ. ລະເມີດກົດລະບຽບຈະລາຈອນ, ຂາດ ຄວາມຮູ້, ປະສົບການ, ຄຸນສົມບັດ ແລະ ມາລະຍາດໃນການຂັບຂີ່, ສຸຂະພາບອິດເມື່ອຍອ່ອນເພຍ

ຂ. ລະເມີດປ້າຍ ແລະ ເຄື່ອງໝາຍຈະລາຈອນ, ຂາດ ຄວາມຮູ້, ປະສົບການ ແລະ ມາລະຍາດໃນການຂັບຂີ່, ໂມໂຫ ຫຼື ມີອາລົມເຄັ່ງຄຽດ

ຄ. ລະເມີດເຄື່ອງໝາຍຈະລາຈອນ, ຂາດ ຄວາມຮູ້, ປະສົບການ, ຄຸນສົມບັດ ແລະ ມາລະຍາດໃນການຂັບຂີ່, ໂມໂຫ ຫຼື ມີອາລົມເຄັ່ງຄຽດ

ອຸບປະຕິເຫດ ທີ່ເກີດຈາກຜູ້ຂັບຂີ່ທີ່ລະເມີດກົດລະບຽບຈະລາຈອນ ມີຫຍັງແດ່?

ກ. ຂັບຂີ່ ໃນເວລາສຸຂະພາບອິດເມື່ອຍອ່ອນເພຍ, ແລ່ນລົດໄວເກີນກໍານົດ, ບໍ່ປະຕິບັດຕາມ ປ້າຍ, ເຄຶ່ອງໝາຍ ແລະ ໄຟສັນຍານ ຈະລາຈອນ

ຂ. ຂັບຂີ່ ໃນສະພາບມືນເມົາ, ໃນເວລາສຸຂະພາບອິດເມື່ອຍອ່ອນເພຍ, ແລ່ນລົດໄວເກີນກໍານົດ, ບໍ່ປະຕິບັດຕາມ ປ້າຍ, ເຄຶ່ອງໝາຍ ແລະ ໄຟສັນຍານ ຈະລາຈອນ

ຄ. ຂັບລົດ ໃນຍາມຝົນຕົກ, ທາງເປັນຂຸມ, ບໍ່ປະຕິບັດຕາມ ປ້າຍ, ເຄຶ່ອງໝາຍ ແລະ ໄຟສັນຍານ ຈະລາຈອນ

ອຸບປະຕິເຫດ ທີ່ເກີດຈາກສະພາບຮ່າງກາຍ ແລະ ຈິດໃຈຂອງຜູ້ຂັບຂີ່ລົດ ມີຫຍັງແດ່?

ກ. ຫີວເຂົ້າ, ຫີວນອນ, ຫີວນໍ້າ, ຈິດໃຈບໍ່ສະຫງົບ, ຂາດ ສະຕິ ແລະ ສະມາທິ

ຂ. ຫ້ອງຂັບຮ້ອນອົບເອົ້າ, ແອເຢັນບໍ່ເຮັດວຽກ, ຈິດໃຈບໍ່ສະຫງົບ, ບໍ່ມີສະມາທິ

ຄ. ຮ່າງກາຍ ອິດເມື່ອຍອ່ອນເພຍ, ຈິດໃຈບໍ່ສະຫງົບ, ຂາດ ສະຕິ ແລະ ສະມາທິ

ອຸປະຕິເຫດ ທີ່ເກີດມາຈາກສະພາບຍານພາຫະນະ ມີຫຍັງແດ່?

ກ. ລະບົບ ເຄື່ອງຈັກ, ພວງມະໄລ, ຊ່ວງລ່າງ, ຫ້າມລໍ້, ຢາງຕີນລົດ, ໄຟສະຫວ່າງ ບໍ່ໄດ້ມາດຕະຖານ

ຂ. ລະບົບ ຄາດ, ເກຍ, ພວງມະໄລ, ຊ່ວງລ່າງ, ຫ້າມລໍ້, ຢາງຕີນລົດ, ໄຟສະຫວ່າງ ບໍ່ໄດ້ມາດຕະຖານ

ຄ. ລະບົບ ຄາດ, ຄັນເລັ່ງ, ພວງມະໄລ, ຊ່ວງລ່າງ, ຫ້າມລໍ້, ຢາງຕີນລົດ, ໄຟສະຫວ່າງ ບໍ່ໄດ້ມາດຕະຖານ

ອຸບປະຕິເຫດ ທີ່ເກີດມາຈາກ ສະພາບແວດລ້ອມຂອງທາງຫຼວງ ມີຫຍັງແດ່?

ກ. ທາງເປ່ເພ, ບໍ່ມີ ປ້າຍ ແລະ ເຄື່ອງໝາຍຈະລາຈອນ ຫຼື ຕິດຕັ້ງບໍ່ຖືກຕ້ອງ, ບໍ່ມີລະບົບໄຟແສງສະຫວ່າງ, ໄຟສັນຍານຈະລາຈອນບໍ່ເຮັດວຽກ ແລະ ມີສິ່ງກີດຂວາງການຈະລາຈອນ

ຂ. ທາງເປ່ເພ, ບໍ່ມີ ປ້າຍ ແລະ ເຄື່ອງໝາຍຈະລາຈອນ ຫຼື ຕິດຕັ້ງບໍ່ຖືກຕ້ອງ, ບໍ່ມີລະບົບໄຟແສງສະຫວ່າງ, ໄຟສັນຍານຈະລາຈອນບໍ່ເຮັດວຽກ, ມີສິ່ງກີດຂວາງການຈະລາຈອນ, ການກໍ່ສ້າງ ຫຼື ສ້ອມແປງທາງ ບໍ່ມີລະບົບເຕືອນອັນຕະລາຍ ຢ່າງຖືກຕ້ອງ

ຄ. ທາງເປ່ເພ, ຕິດຕັ້ງ ປ້າຍ ແລະ ເຄື່ອງໝາຍຈະລາຈອນບໍ່ຖືກຕ້ອງ, ບໍ່ມີລະບົບໄຟແສງສະຫວ່າງ ແລະ ມີສິ່ງກີດຂວາງການຈະລາຈອນ

ເມື່ອເກີດອຸບປະຕິເຫດ ການສິ້ນເປືອງໃນການປິ່ນປົວ ມີການພົວພັນເຖິງໃຜແດ່?

ກ. ຕົນເອງ, ຜູ້ປົກຄອງ, ຍາດພີ່ນ້ອງ ແລະ ພາກສ່ວນອື່ນທີ່ກ່ຽວຂ້ອງ ເປັນຕົ້ນ ການດູແລຊ່ວຍເຫຼືອຂອງພາກ ລັດ ແລະ ເອກະຊົນ

ຂ. ຜູ້ຮູ້ຈັກ ຮັກແພງກັນ ແລະ ພາກສ່ວນອື່ນທີ່ກ່ຽວຂ້ອງ ເປັນຕົ້ນ ການດູແລຊ່ວຍເຫຼືອຂອງພາກ ລັດ ແລະ ເອກະຊົນ

ຄ. ມູນນິທິຂອງຕ່າງປະເທດ ແລະ ພາກສ່ວນອື່ນທີ່ກ່ຽວຂ້ອງ ເປັນຕົ້ນ ການດູແລຊ່ວຍເຫຼືອຂອງພາກ ລັດ ແລະ ເອກະຊົນ ຕໍ່ຜູ້ບາດເຈັບ

ຜົນກະທົບ ຈາກການສູນເສຍຊີວິດຍ້ອນການເກີດອຸບປະຕິເຫດ ມີຫຍັງແດ່?

ກ. ສູນເສຍ ເງິນໃນການຈັດງານຊາປະນະກິດສົບ, ເວລາ, ກໍາລັງແຮງງານ ຂອງຄອບຄົວ

ຂ. ສູນເສຍ ເງິນໃນການຈັດງານຊາປະນະກິດສົບ, ເວລາ, ສະມາຊິກ, ກໍາລັງແຮງງານ ຂອງຄອບຄົວ ແລະ ຂອງຊາດ

ຄ. ສູນເສຍ ສະມາຊິກ, ກໍາລັງແຮງງານ ຂອງຄອບຄົວ, ຊັບພະຍາກອນມະນຸດ ຂອງການຈັດຕັ້ງ ແລະ ຂອງຊາດ

ການສູນເສຍຊັບສິນຈາກການເກີດອຸບປະຕິເຫດ ມີຫຍັງແດ່?

ກ. ຍານພາຫະນະເປ່ເພ, ວັດຖຸປະກອນຕາມທາງຫຼວງ, ເງິນ, ຄໍາ, ວັດຖຸມີຄ່າ, ທຶນຂອງ ບຸກຄົນ ແລະ ການຈັດຕັ້ງ

ຂ. ຊັບສິນ, ຍານພາຫະນະເປ່ເພ, ວັດຖຸປະກອນຕາມທາງຫຼວງ, ເງິນ, ຄໍາ, ວັດຖຸມີຄ່າ, ທຶນຂອງ ບຸກຄົນ ແລະ ການຈັດຕັ້ງ

ຄ. ການສູນເສຍ ຊັບສິນ, ວັດຖຸ, ຈິດໃຈ ຂອງສະມາຊິກຄອບຄົວ, ຍາດພີ່ນ້ອງ ແລະ ເພື່ອນມິດສະຫາຍ

ການປ້ອງກັນອຸບັດຕິເຫດແມ່ນໜ້າທີ່ ແລະ ຄວາມຮັບຜິດຊອບຂອງໃຜ?

ກ. ແມ່ນໜ້າທີ່ຂອງຜູ້ຂັບລົດທຸກຄົນ, ເຈົ້າໜ້າທີ່ທີ່ຮັບຜິດຊອບ ບັງຄັບໃຊ້ກົດໝາຍ ແລະ ລະບຽບການກ່ຽວກັບການຈະລາຈອນທາງບົກ, ການກໍ່ສ້າງ ແລະ ສ້ອມແປງທາງຫຼວງ

ຂ. ແມ່ນໜ້າທີ່ຂອງຜູ້ຂັບລົດທຸກຄົນ, ເຈົ້າໜ້າທີ່ຮັບຜິດຊອບບັງຄັບໃຊ້ກົດໝາຍ ແລະ ລະບຽບການກ່ຽວກັບການຈະລາຈອນທາງບົກ ແລະ ເຈົ້າໜ້າທີ່ຕໍາຫຼວດຈະລາຈອນ

ຄ. ແມ່ນໜ້າທີ່ຂອງຜູ້ໃຊ້ລົດ, ຜູ້ໃຊ້ທາງຫຼວງ ທຸກຄົນ, ເຈົ້າໜ້າທີ່ຮັບຜິດຊອບບັງຄັບໃຊ້ກົດໝາຍ ແລະ ລະບຽບການກ່ຽວກັບການຈະລາຈອນທາງບົກ

ຂໍ້ມູນຕິດຕໍ່

9. ອຸບັດຕິເຫດ ແລະ ການປ້ອງກັນ

8. ເຕັກນິກຂັບຂີ່ເພື່ອຄວາມປອດໄພ

10. ການຮັກສາສຸຂະພາບຂອງຜູ້ຂັບຂີ່